विजयरत्न असंबरे

---

आदिवासी जनजाति पत्रकार महासंघ (फोनिज) ललितपुरले जिल्लामा रहेका जनजाति पत्रकारलाई विषम परिस्थितिमा पनि गाह्रो अप्ठ्यारो नहोस् भन्दै शनिवार राहत स्वरुप १८ जना जनजाति पत्रकारलाई खाद्यान्न (चामल, दाल, नून र तेल), मास्क र स्यानीटाइजर वितरण गरेको छ । फोनिज ललितपुरका लागि ज्याम्लीङ बुद्ध फाउण्डेसन बौद्ध, आनन्दपुरबाट खाद्यान्न र कोन्ज्योसोम गाउँपालिकाबाट मास्क र स्यानीटाइजर सहयोग प्राप्त भएको थियो । विश्वमा नै कोरोना भाइरस संक्रमण भइरहेको अवस्थामा त्यसबाट सुरक्षित रहनका लागि नेपालमा पनि करिब दुइ महिना देखि लकडाउन जारी छ । लकडाउनका कारण श्रमजिवी पत्रकारहरु धेरै ठाउँमा अप्ठ्यारोमा परेकाे कुरा दृष्टिगत गर्दै महासंघ (फोनिज)को तर्फबाट राहत स्वरुप खाद्यान्न वितरण गरिएको कुरा महासंघ सुत्रले जनाएको छ । Categorized in राष्ट्रिय