काठमाडौं – काठमाडौं महानगरपालिका २४ वडाले काठमाडौंको जुद्धशालिकदेखि ईन्द्रचोकसम्मका पसलहरु एक हप्ताको लागि बन्द गर्न अनुरोध गरेको छ । कामपा २४ वडाध्यक्ष बालकृष्ण श्रेष्ठले बिहीबार एक सुचना प्रकाशित गरी सो क्षेत्रमा एक साताको लागि पसलहरु बन्द गर्न अनुरोध गरेका छन् । सो क्षेत्रमा कोरोना संक्रमित भेटिएकाले जोखिम नियन्त्रणको लागि पसलहरु बन्द गर्न अनुरोध गरिएको वडाध्यक्ष श्रेष्ठले जनाएका छन् । सो क्षेत्रमा रहेको एउटा सुनचाँदी पसलका केही कर्मचारीमा कोरोना संक्रमण देखिएको हो । काठमाडौंमा कोरोना संक्रमितको संख्या दिनानुदिन बढ्दै गएपछि यसअघि कामपा १२, १४, २१, २२, २५ र २७ वडाले पनि आफ्ना क्षेत्रहरुका पसलहरु बन्द गर्दैै आइरहेको छ । Categorized in उपत्यका