कीर्तिपुर – कीर्तिपुर नगरपालिकाको संयोजनमा सोमबार पहिलोपटक कोरोना संक्रमण परीक्षण थालिएको छ । सरफाइ कर्मचारीमा गरिएको उक्त परीक्षणमा चारजनाको आरडिटी रिपोर्ट पोजेटिभ आएको छ । दुईजना महिला र दुईजना पुरुषमा आरडिटी पोजेटिभ देखिए पनि पिसिआर रिपोर्ट आउन बाँकी छ । नगरपालिकाको संयोजनमा कीर्तिपुर अस्पताल र त्रिभुवन विश्वविद्यालयको संयुक्त पहलमा परीक्षण भएको हो । नगरपालिकाका मेयर रमेश महर्जनको पहिलो परीक्षण गरिएको थियो भने यसपछि ६० जना सफाइ कर्मचारीको आरडिटी र पिसिआर परीक्षण गरिएको थियो । परीक्षणको रिपोर्ट मंगलबार आउने नगरपालिका स्वास्थ्य विभागका प्रमसख शान्तमान मानन्धरले जानकारी दिएका छन् । आरडिटी पोजेटिभ आए पनि डराउनुपर्ने स्थिति नरहेको र पिसिआर रिपोर्ट पोजेटिभ आए सतर्क र सजग हुनुपर्ने चिकित्सकहरुको धारणा छ । केही दिनअघि काठमाडौं महानगरपालिका फोहरमैला विभागका कर्मचारीहरुको पनि कोरोना परीक्षणमा ३१ जना कर्मचारीको आरडिटी पोजेटिभ आए पनि पिसिआर रिपोर्ट नेगेटिभ आएको थियो । Categorized in उपत्यका