कीर्तिपुरमा विदेशबाट फर्किएका धेरै, सजग रहन आह्वान
Janjati Khabar – जनजाति खबर | २०७६ चैत्र १३, बिहिबार
५० शय्याको आइसोलेसन वार्ड सुरु
काठमाडौं– कीर्तिपुर नगरपालिकाभित्र विदेशबाट फर्किएका धेरै रहेका र उनीहरु सेल्फ क्वारेन्टाइनमा बसिरहेका छन् । यसबारे जनसमुदायले उनीहरुलाई अस्पताल पुगी आवश्यक जाँच गर्नमा जोड दिइरहेका छन् । यसो नगरे कीर्तिपुरमा भयावह स्थिति आउने हुँदा यसतर्फ सचेत रहन कीर्तिपुर नगरपालिका सक्रिय हुनुपर्ने उनीहरुको भनाइ छ । कीर्तिपुर २ वडाका वडाध्यक्ष एवं कीर्तिपुर नगरपालिका सम्पदा, पर्यटन, संस्कृति विभागका प्रमुख रमेशमान डंगोलले आफ्नो वडामा मेक्सिको, युके र मकाउबाट फर्किएका तीनजना नागरिक सेल्फ क्वारेन्टाइनमा रहेको जानकारी गराएका छन् । यसैगरी, १ वडाका वडाध्यक्ष एवं नगरपालिका सरसफाइ विभागका प्रमु्ख हर्ष महर्जनले आफ्नो वडामा भारतको बैंगलोरबाट चैत ६ गते फर्किएको नागरिक आफ्नै घरमा सेल्फ क्वारेन्टाइनमा रहेको जानकारी गराएका छन् । १० वडाका वडाध्यक्ष अमन महर्जनले आफ्नो वडामा चैत ६ गते बैंगलोरबाट फर्किएको विद्यार्थी घरमै सेल्फ क्वारेन्टाइनमा रहेको तथा चैत ४ गते कतार एयरवेजबाट फर्किएको सोही वडाका बासिन्दा चेकअपको लागि अस्पताल पुगी आवश्यक जाँच गराइसकेको जानकारी दिएका छन् ।
