कोरोना आशंकित दुईजनाको वीर अस्पतालमा मृत्यु
Janjati Khabar – जनजाति खबर | २०७६ चैत्र १७, सोमबार
काठमाडौं– कोरोना संक्रमणको आशंका रहेका दुईजना बिरामीको वीर अस्पतालमा मृत्यु भएका छन् ।
भारतबाट केही दिनअघि मात्र नेपाल आएका ५० वर्षका एक पुरुष तथा चन्द्रागिरी नगरपालिका सतुंगलका ३४ वर्षीय एक महिलाको मृत्यु भएको जनाइएको छ ।
वीर अस्पतालका निर्देशक डा. केदार सेञ्चुरीका अनुसार दुवैको कोरोना संक्रमणको परीक्षणको लागि राष्ट्रिय जनस्वास्थ्य प्रयोगशालामा नमूना पठाइसकेको तर रिपोर्ट आउन बाँकी रहेका छन् ।
निमोनियाको समस्या ती महिलालाई आइतबार बेलुका अस्पताल पुर्याइएको थियो भने सोमबार बिहान उनको मृत्यु भएको थियो ।
ज्वरोको उपचार गर्न अस्पतालमा ल्याइएको पुरुषको भने सोमबार दिउँसो मृत्यु भएको अस्पतालले जनाएको छ ।
Categorized in राष्ट्रिय
