STC 810x100 adv
nib 2082 5
nepal invistment new 31

कोरोना परीक्षणपछि मात्र घरमा प्रवेश दिनू : कामपा २१ वडा

Janjati Khabar – जनजाति खबर | २०७७ जेठ २, शुक्रबार

काठमाडौं – विश्वव्यापी महामारीको रुप लिइरहेको कोरोना भाइरस कोभिड–१९ को संक्रमण रोकथामको लागि स्थानीय निकायबाट विभिन्न उपायहरु अपनाइरहेका छन् । यसैक्रममा काठमाडौं महानगरपालिका २१ वडाले शुक्रबार एउटा सुचना जारी गरी वडाबाहिर गएका डेरावालहरुले डेरामा जानुअघि कोराना परीक्षण अनिवार्य गराउन भनिएको छ । कामपा २१ वडाका वडाध्यक्ष उदय चुडामणि वज्राचार्यद्वारा हस्ताक्षरित सुचनामा बाहिरबाट आएका डेरावालहरुको कोरोना परीक्षणपश्चात् रिपोर्ट हेरेपछि मात्र घरमा प्रवेश दिन घरधनीहरुलाई भनिएको छ । कोरोना भाइरस रोकथामको लागि अर्को व्यवस्था नभएसम्मको लागि यस्तो निर्णय लिनुपरेको २१ वडा कार्यालयले जनाएको छ ।
२१ वडाका विभिन्न स्थानमा स्थानीयको ‘शिल’
यसैबीच, २१ वडा कार्यालयभित्रका पद्मसुगन्धमार्ग, मञ्जुश्री टोल, ज्याबहाल, जैसीदेवल, चिकंमुगलजस्ता स्थानमा स्थानीय युवाहरुको सक्रियतामा लकडाउन पालना गराइरहेका छन् । स्थानीय युवाहरुले ती स्थानहरुमा कसैलाई पनि घरबाहिर निस्कन दिएका छैनन् भने बाहिरबाट आउनेहरुलाई पनि ती स्थानमा आउन दिएका छैनन् ।
Categorized in उपत्यका