काठमाडौं – काठमाडौंको गोंगबुँमा शुटकेशमा फालिएको अवस्थामा एउटा शव प्रहरीले फेला पारेको छ । अन्दाजी ४०–४५ वर्षका देखिने पुरुषको टाउको विनाको शव शुटकेशमा राखेर गोंगबुँ गणेशस्थानमा फालिएको भेटिएको थियो । प्रहरीले घटनास्थलबाट २०० मिटर पर टाउको फेला पारेको जनाइएको छ । प्रहरीले घटनास्थलमा तालिमप्राप्त कुकुरसहित ठूलो संख्यामा प्रहरी परिचालन गरी अनुसन्धान थालेको छ । अहिले शवलाई पोष्टमार्टमको लागि त्रिवि शिक्षण अस्पताल महाराजगञ्जमा पठाइएको छ । मृतक पुरुषको पहिचान खुल्न सकेको छैन । Categorized in अपराध-दुर्घटना