"नेवाः युट्युब च्यानलको प्रत्यक्ष प्रशारणबाट मेयर शाक्यले महानगरबासीका जिज्ञासाका जवाफ दिने"

---

काठमाडौं– लकडाउनको समय काठमाडौं महानगरपालिकाले के कस्ता काम गरिरहेका छन् बुझ्न चाहनुहुन्छ वा महानगरपालिकासँग तपाईंका केही जिज्ञासा वा प्रश्न छन् ? अब तपाईंको जिज्ञासा तथा प्रश्नको उत्तर स्वयं काठमाडौं महानगरपालिका मेयर विद्यासुन्दर शाक्यले दिनेछन् । नेवाः युट्युबले काठमाडौं महानगरपालिकाका मेयर विद्यासुन्दरसँग शाक्यसँग अनलाइन अन्तर्वार्ता लिने भएका छन् । यसको लागि मेयर शाक्यसँग जिज्ञासा र प्रश्नहरु राख्न महानगरबासीमा आह्वान पनि गरिएको छ । चैत २७ गते बिहीबार दिउँसो ४ बजे नेवाः युट्युब च्यानलको प्रत्यक्ष प्रशारणबाट मेयर शाक्यले महानगरबासीका जिज्ञासाका जवाफ दिनेछन् । उक्त अन्तर्वार्ताको लागि पवित्र कसाःले संयोजकको भूमिका निर्वाह गर्नेछन् । मेयरसँग सोध्नुपर्ने जिज्ञासा, प्रश्नहरु newaon1135@gmail.com मा ईमेल गर्न पनि महानगरबासीमा आह्वान गरिएको छ । यस कार्यक्रमबारे थप जिज्ञासा भए ९८५१०८१७५० वा ९८४१४७९३८९ मा सम्पर्क गरी बुझ्न सकिने पनि जनाइएको छ । प्रश्नहरुको सोधिने अन्तिम मिति चैत २६ गते रातिको १० बजेसम्म तोकिएको छ । नेवाः युट्युबले सामाजिक सञ्जाल युट्युबमार्फत् नेवार समुदायलगायत आदिवासी, जनजातिका समाचार, विचार तथा समसामयिक राष्ट्रिय, अन्तर्राष्ट्रिय घटनाका विषयमा भिडियो फिचर, अन्तर्वार्ता तथा लघुफिल्महरु प्रशारण गर्दै आइरहेको छ । Categorized in राष्ट्रिय