निष्काशन गुट कारबाही मात्र : एमाले निष्काशित नेता
Janjati Khabar – Janjati Khabar | २०७८ जेठ ११, मंगलबार
नेकपा एमालेको साधारण सदस्यबाट निष्कासित नेताहरूले स्थायी कमिटीको निर्णयलाई गुटको कारबाहीको संज्ञा दिएका छन् ।
उनीहरूले पार्टीलाई विग्रहको दिशामा धकेल्ने मनसाय राखेका ओलीले हाल त्यसको पुष्टि गरेको आरोप समेत लगाएका छन् ।
नेकपा एमालेको साधारण सदस्यबाट निष्कासित नेताहरूले स्थायी कमिटीको निर्णयलाई गुटको कारबाहीको संज्ञा दिएका छन् ।
उनीहरूले पार्टीलाई विग्रहको दिशामा धकेल्ने मनसाय राखेका ओलीले हाल त्यसको पुष्टि गरेको आरोप समेत लगाएका छन् । साधारण सदस्यबाट समेत निष्कासित एमालेका पूर्वअध्यक्ष रहेका नेता झलनाथ खनालले अध्यक्ष केपी ओलीले आफूहरूलाई गरेको निष्कासनको कुनै अर्थ नहुने बताएका छन् ।
ओलीको कदमविरुद्ध नयाँ पार्टी खोलेर संविधान र लोकन्त्रका पक्षधरहरूलाई समाहित गर्दै उनको प्रतिगमनको सशक्त प्रतिवाद गर्ने खनालले बताए ।
यस्तै कारबाही नेता भीम रावलले यो कारबाहीलाई केपी ओली गुटको कारबाहीको संज्ञा दिएका छन् ।
सोमबार बालुवाटारमा बसेको एमाले स्थायी कमिटी बैठकले नेता माधवकुमार नेपाल, झलनाथ खनाल, भीम रावल, मुकुन्द न्यौपाने, निरादेवी जैरु, रामकुमारी झाँक्री, सरला यादव, पुष्पाकुमारी कर्ण, कलिना खान, लक्ष्मीकुमार चौधरी र कल्याणी खड्कालाई साधरण सदस्य समेत नरहेन गरी निष्कासन गरेको छ ।
