काठमाडौँ - सत्तारूढ नेकपाको सचिवालय बैठक मंसिर ३ गतेसम्मका लागि स्थगित भएको छ ।

प्रधानमन्त्रीको सरकारी निवास बालुवाटारमा शुक्रबार अपराह्न ४ बजेपछि बसेको बैठक मंसिर ३ गते बस्ने प्रवक्ता नारायणकाजी श्रेष्ठले जानकारी दिए ।

बैठकमा कार्यकारी अध्यक्ष पुष्पकमल दाहाल प्रचण्डले पार्टीको संकटबारे राजनीतिक प्रतिवेदन तयार पारि प्रस्तुत गरेका छन् । शुक्रबार बसेको सचिवालय बैठकमा प्रचण्डको प्रस्ताव सबै सदस्यलाई दिइएको छ । 

बैठक बोलाउन सहमति दिन माग गर्दै अध्यक्ष एवं प्रधानमन्त्री केपी शर्मा ओलीलाई पेश गरेको पत्र, त्यसको जवाफमा ओलीले प्रचण्डलाई लेखेको पत्र र त्यसको प्रतिउत्तरमा प्रचण्डले ओलीलाई लेखेको पत्र समेत नेताहरुलाई दिइएको  पनि प्रवक्ता श्रेष्ठले बताए ।

दुवै पत्र अध्ययनका लागि समय चाहिएको कारण मंसिर ३ सम्मका लागि बैठक स्थगित भएको पनि उनले जानकारी दिए ।

Categorized in राजनीति