भक्तपुर – घरमै बसी उपचार गराइरहेका काेराेना संक्रमित एक पुरुषकाे मृत्यु भएकाे छ । भक्तपुर दूधपाटी निवासी  ६५ वर्षीय पुरुषको शनिबार राति मृत्यु भएको स्वास्थ्य कार्यालय भक्तपुरले जनाएकाे छ । यससँगै भक्तपुरका कोरोना भाइरस संक्रमणको कारण मृत्यु हुनेको संख्या ७ पुगेको छ । भक्तपुर नपाका भने यो दोस्रो मृत्यु हो । मृतक मधुमेह र उच्च रक्तचापका बिरामी र श्वासप्रश्वासमा समस्या आएपछि बिहीबार अस्पताल लगिएको थियो । शुक्रबार प्राप्त रिपोर्टमा काेराेना पोजिटिभ आएपछि घरपरिवारको सल्लाहमा उनलाई होम आइसोलेसनमा राखिएको थियाे । मृतक पुरुष पेसाले सुन व्यवसायी रहेका छन् । उनको निधनपछि घरपरिवारका सदस्यहरुको कन्ट्याक्ट ट्रेसिङ गर्ने काम भइरहेको छ ।   Categorized in उपत्यका