वाङमय शताब्दी पुरुष एवं वरिष्ठ संस्कृतिविद् सत्यमोहन जोशीले नेवाः पत्रकार राष्ट्रिय दबूका नवनिर्वाचित कार्यसमितिलाई बधाई दिँदै जातीय र भाषिक समानताका लागि सञ्चार क्षेत्रको महत्वपूर्ण भूमिका निर्वाह गर्नुपर्नेमा जोड दिनुभएको छ । सो विषयमा जोड दिंदै उहाँले ‘नेपाल बहुजातीय र बहुभाषिक र बहुसांस्कृतिक मुलुक हो भनेर संविधानको प्रस्तावनामा नै लेखिएको छ, तर व्यवहारमा भाषिक, जातीय विभेद कायमै छ । ’ भन्ने उद्गार पोख्नु भयफ । वरिष्ठ संस्कृतिविद् जोशीले भन्नुभयो ‘अहिलेको अवस्थामा नेपाली भाषा बाहेक अरु भाषाहरु संकटमा पर्दै गएको छ । राज्यको तर्फबाट पोषण पाएका संस्कृतिमात्र बाँच्ने र अरु लोप हुँदै खतरा दिनप्रतिदिन बढ्दै गएको छ । ’ यस्तो अवस्थामा भाषा, संस्कृति जोगाउन पत्रकारिता क्षेत्रमा महत्वपूर्ण योगदान पुर्याउनुपर्ने जोशीको धारणा रहेको छ । फराकिलो दृष्टिकोण राखेर भाषिक र सांस्कृतिक विभेदलाई अन्त्य गर्न पत्रकारहरुले कलम चलाउन आग्रह गर्दै उहाँले भन्नुभयो ‘ भाषा र संस्कृति बचाउने कुरा गर्दा केहीले साम्प्रदायिकताको आरोप लगाउने गरेको छ । तर आरोप सही होइन । भाषा र संस्कृति हराउँदै गएको पीडा त्यस्तो आरोप लगाउने मान्छेलाई के थाहा हुन्छ रु ।’ वरिष्ठ संस्कृतिविद् जोशीले ‘बुढो मान्छेले पहाड हटाउन’े चिनियाँ कथा सुनाउँदै पत्रकार राष्ट्रिय दबूको संस्थागत विकास र हितका लागि दृढ संकल्पका लाग्न पनि नवनिर्वाचित कार्यसमितिलाई आग्रह गर्नुभयो । सोही अवसरमा वाङमय शताब्दी पुरुष जोशीले पत्रकार राष्ट्रिय दबूका नवनिर्वाचित कार्यसमितिलाई खादा लगाएर कार्यकालको सफलताको कामना गर्नुभयो । समारोहमा पत्रकार राष्ट्रिय दबूका नवनिर्वाचित अध्यक्ष सुरजबीर बज्राचार्यको जोशीको शुभकामनालाई आशिर्वादको रुपमा लिएको बताउँदै यसले काम गर्न निकै हौसला प्रदान गरेको बताउनुभयो । सोही अवसरमा वरिष्ठ उपाध्यक्ष नृपेन्द्रलाल श्रेष्ठले एकताबद्ध भएर लक्ष्य पुरा गर्न क्रियाशील हुने प्रतिबद्धता व्यक्त गर्नुभयो । ताम्रकार समाजद्वारा स्वागत यसैबीच नेवाःपत्रकार राष्ट्रिय दबू ललितपुर शाखा र ताम्रकार समाजले मंगलबार एक समारोहको आयोजना गरी नवनिर्वाचित केन्द्रीय समितिलाई स्वागत तथा सम्मान गर्नुभयो । सो अवसरमा ताम्रकार समाजका अध्यक्ष रवीन्द्रराज ताम्रकारले समावेशी सञ्चार र मातृभाषाको पत्रकारिताको लागि ठोस काम गर्नुपर्नेमा जोड दिनुभयो । Categorized in राष्ट्रिय