काठमाडौं । बन्द अबस्थामा रहेको सार्वजनिक यातायात खोल्ने विषयमा सरकारसँग वार्ता गर्न यातायात व्यवसायी र मजदूर सम्मिलित एक कार्यदल बनेको छ । नेपाल राष्ट्रिय यातायात व्यवसायी महासंघको पहलमा शनिबार बसेको यातायात व्यवसायी र मजदूर संगठनहरुको संयुक्त बैठकले त्यस्तो कार्यदल बनाएको हो । कार्यदलमा नेपाल यातायात राष्ट्रिय व्यवसायी महासंघका अध्यक्ष योगेन्द्रनाथ कर्माचार्य तथा मजदूर संगठनहरुको तर्फबाट नेपाल यातायात मजदूर संघका अध्यक्ष धर्मराज भण्डारी, अखिल नेपाल यातायात मजदूर संघका अध्यक्ष दीपक केसी तथा तथा नेपाल यातायात स्वतन्त्र मजदूर संघका अध्यक्ष भीमज्वाला राईको सहभागिता रहेको छ । शुक्रबार महासंघसहित तीनवटै संघका अध्यक्षहरु सहभागी बैठकले महासंघको शुक्रबारको घोषणाजस्तै तत्कालै सार्वजनिक यातायात सञ्चालन गर्नसक्ने वातावरण नभएको जनाएको छ । सरकारले सवारी सञ्चालनको उपयुक्त वातावरण बनाउनुपर्ने समेत उनीहरुको भनाइ छ । Categorized in बिजनेस