काठमाडौं – बुंगःद्यः रथयात्राको क्रममा हिरासतमा लिइएकाहरुलाई व्यापक जनदबाबपछि राज्यले रिहा गर्न बाध्य भएको छ । यसैक्रममा बुधबार साँझ हिरासतमा रहेकाहरुमध्ये रत्नलाल श्रेष्ठ र अनिस महर्जनलाई राज्यले रिहा गरेको छ । यसअघि राज्यले ३ जना र ७ जनागरी १० जनालाई रिहा गरिसकेका छन् । हाल सम्म पनि हिरासतमा रहेका ८ जनाहरु ललितपुरका अशोजकुमार महर्जन, रविन शाक्य, नरेश शाक्य, अनिल खड्गी, सञ्जय शाक्य, करण देउला, देवेन्द्र देउला र काठमाडौंका यादवलाल कायस्थ रहेका छन् । हिरासतमा रहेकाहरुलाई अविलम्ब रिहाइको माग गर्दै ठाउँ ठाउँमा जनस्तरबाट प्रदर्शनहरु भइरहेका छन् । यसै सिलसिलामा भोलि शुक्रबार पाटनको मंगलबजारमा पनि प्रदर्शन हुन लागेको जानकारी प्राप्त भएको छ । Categorized in उपत्यका