कीर्तिपुर – कोरोना भाइरस संक्रमणको जोखिम बढ्दै गएपछि कीर्तिपुर नगरपालिकाका जनप्रतिनिधि तथा कर्मचारीहरुको कोरोना परीक्षण गरिएको छ । परीक्षणको क्रममा उपमेयर एवं नगरपालिका प्रवक्ता सरस्वती खड्का रिजालको परीक्षणपछि अन्य कर्मचारी एवं जनप्रतिनिधिका परीक्षण भएको थियो । नगरपालिकाको भवनमा मंगलबार जनप्रतिनिधि एवं कर्मचारी गरी ६२ जनाको कोरोना परीक्षण भएको छ । तीमध्ये पाँचजनाको आरडिटी परीक्षण पोजेटिभ देखिएको छ । सोमबारको परीक्षणमा चारजना सफाइ कर्मचारीको आरडिटी पोजेटिभ आएको थियो । आरडिटी पोजेटिभ आएकाहरुलाई क्वारेन्टाइनमा राखिएका छन् । आरडिटीमा पोजेटिभ देखिए पनि आत्तिनु र त्रसित हुनुनपर्ने तर सतर्क रहन विष्णुदेवी अस्पतालका चिकित्सक डा. पूर्णिमा शाक्यले अनुरोध गरेका छन् । Categorized in उपत्यका