पछिल्लो २४ घण्टामा नेपालमा कोरोना संक्रमणबाट थप २१४ जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार पछिल्लो २४ घण्टामा देशभर ८ हजार ९ सय ६० जनामा कोरोना संक्रमण पुष्टि भएको छ ।

पछिल्लो २४ घण्टामा काठमाडौँ उपत्यकामा मात्र ३ हजार ५ सय ६२ जनामा कोरोना संक्रमण पुष्टि भएको छ ।

काठमाडौँमा २७३३ जना, भक्तपुरमा ३४८ जना र ललितपुरमा ४८१ जना कोरोना संक्रमित भेटिएका छन् ।

स्वास्थ्य तथा जनसंख्या मन्त्रालयका अनुसार २० हजार २४५ जनाको पीसीआर र एन्टिजेन गर्दा सो संख्यामा कोरोना संक्रमित थपिएका हुन् ।

आज थपिएकासँगै नेपालमा कुल संक्रमितको संख्या ४ लाख ३१ हजार १९१ पुगेको छ ।  देशभर १ लाख ५ हजार २०७ जना सक्रिय संक्रमित रहेका छन् ।

यस्तै, स्वास्थ्य मन्त्रालयका अनुसार  कोरोना संक्रमणमुक्त भएर ५ हजार ५५ जना डिस्चार्ज भएका छन् ।

Categorized in राष्ट्रिय