शंख फुकेर पेट्रोलियम पदार्थको मूल्य वृद्धिको विरोध
Janjati Khabar – Janjati Khabar | २०७८ आषाढ २७, आइतबार
पेट्रोलियम पदार्थको मूल्य वृद्धिको विरोधमा विपक्षी गठबन्धनका पाँच विद्यार्थी संगठनले शंख फुकेर प्रदर्शन गरेका छन् ।
पेट्रोलियम पदार्थको मूल्य वृद्धिको विरोधमा आइतबार काठमाडौंको माइतीघर मण्डलामा विपक्षी गठबन्धनका पाँच विद्यार्थी संगठनले शंख फुकेर विरोध जनाएका हुन् ।
पेट्रोलियम पदार्थको मूल्य वृद्धिविरुद्ध विपक्षी गठबन्धनका पाँच विद्यार्थी संगठनले चरणबद्ध आन्दोलन गर्ने घोषणा गरेका छन् ।
आइतबार काठमाडौंमा पत्रकार सम्मेलन गरी पाँच विद्यार्थी संगठनले सातबुँदे मागसहित चरणबद्ध आन्दोलनको घोषणा गरेका हुन् ।
घोषित आन्दोलन अनुसार उनीहरूले २८ असारमा नेपाल आयल निगमका गाडीहरू चल्न नदिने, २९ असारमा पेट्रोलियम ढुवानी र बिक्री गर्ने संगठनहरूलाई पेट्रोलपम्प र ट्यांकर सञ्चालन गर्न नदिने र ३० असारमा देशभरका सम्पूर्ण पेट्रोल पम्प र ट्यांकर बन्द गर्ने निर्णय गरेको हो ।
