काठमाडौं – कोरोना संक्रमणको आरडिटी परीक्षणमा साँखुका १४ जनाको आरडिटी रिपोर्ट पोजेटिभ आएको छ । योसँगै शंखरापुर नगरपालिका अनिश्चितकालका लागि सिल गरिएको छ । शुक्रबार जेठ ९ गते बिहान १० बजेदेखि नगरपालिकामा भित्रिने तथा बाहिरिने नाकाहरु अर्को सूचना जारी नहुञ्जेलसम्मका लागि सिल गरिएको नगरप्रमुख श्रेष्ठले बताएका छन् । शंखरापुर नगरपालिकाको सिन्धुपाल्चोक, काभ्रे र भक्तपुरसँग सिमा जोडिएको छ । भोलिदेखि ती जिल्ला प्रवेश गर्ने नाका पूर्ण रुपमा बन्द गरिने भएको छ । नगरपालिकाको वडा नं. ४ देखि ९ सम्मका जनप्रतिनिधिसहित २ सय ९० जना स्थानीयको आरडिटी परिक्षणमा १४ जनामा पोजिटिभ देखिएको थियो । पोजेटिभ रिर्पोट आएका १४ जनाको पिसिआर परीक्षणको लागि स्वाब संकलन गरिँदैछ । Categorized in उपत्यका