काठमाडौं– ‘सः छगू फरक अभिव्यक्ति’ नामक संस्थाको आयोजनामा चैत १ गते शनिबार डा. पुष्पराज राजकर्णिकारको एकल लघुकथा वाचन सम्पन्न भयो । संस्थाले हरेक महिना तीनजना साहित्यकारका पाँचवटा लघुकथा वाचन गराउँदै आएकोमा यसपटक एकल कथाकारको १५ वटा लघुकथा वाचन गराएको थियो । सुनिल वज्राचार्यले सञ्चालन गरेको कार्यक्रममा नरेश अमात्यले स्वागत मन्तव्य दिएका थिए । सुधीर ख्वबिले मायाको चिनो प्रदान गरेको तथा मोक्षबहादुर अमात्यले कथाकार राजकर्णिकारलाई खादा ओढाई सम्मान गरेका थिए । कार्यक्रममा सहभागीमध्येका नरसागर श्रेष्ठले वाचित लघुकथाको संक्षिप्त समीक्षा गरेका थिए ।

राजेन्द्र रञ्जित, नेवाः सुचना केन्द्रको सहयोगमा

Categorized in उपत्यका