नेपालभाषाको लोकप्रिय टिभि प्रोग्राम  "समयबजि" लगायत रङ्गमन्च मा धेरै  कार्यक्रमहरु मार्फत हास्य अभिनयमा ख्याति कमाउनु भएका लोकप्रिय कलाकार रेवन्तलाल श्रेष्ठले अब गायकका रुपमा पनि आफ्नो कलायात्रा अगाडि बढाएका छन् । कलाकार श्रेष्ठको स्वर रहेको" ह्याउँ ख्वाः मिसा " ( रातोपिरो अनुहार कि महिला) बोलको गीतको म्युजिक भिडियोकाे हालै एक समारोहमा सार्वजनिक गरिएको छ ।

धेरै लामो समयदेखि संगीत क्षेत्रमा जीवन यापन गरीरहनु वरिष्ठ गायक जुजुकाजि रन्जित प्रमुख अतिथी रहेको सो कार्यक्रममा चलचित्र पत्रकार विजयरत्न असंबरेले म्युजिक भिडियोकाे समीक्षा गरेका थिए ।

सो समारोहमा सार्वजनिक गरिएको म्युजिक भिडियोका परिकल्पनाकार र निर्देशक सुरेन्द्र मानन्धरले स्वागत मन्तव्य राखेका थिए भने नेवाः पत्रकार राष्ट्रिय दबुका अध्यक्ष सुरजबीर बज्राचार्य लगायतका वक्ताहरुले शुभकामना मन्तव्य राखेका थिए ।

अग्रज संगीतज्ञ विष्णु जलमीको रचना र संगीत ,  जिवित जल्मीको संगीत संयोजन आयुष महर्जनको छायाँकन र इन्द्र मानन्धरको   सम्पादन रहेको छ ।

गायक रेवन्त लाल श्रेष्ठ स्वयंको प्रमुख भुमिका रहेको यस म्युजिक भिडियोमा रबिता बके श्रेष्ठ, सना शाक्य, सुरेश मानन्धर, दिब्यरत्न बज्राचार्य, लक्ष्मीनाथ मदगलिया र निर्देशक सुरेन्द्र मानन्धरले समेत अभिनय गरेका छन् ।

Categorized in स्वास्थ्य-मौसम