होम आइसोलेसनमा मृत्यु भए परिवारले नै शव व्यवस्थापन गर्नुपर्ने
Janjati Khabar – Janjati Khabar | २०७७ कार्तिक २, आइतबार
होम आइसोलेसनमा काेराेना संक्रमितकाे मृत्यु भएमा परिवारले नै शव व्यवस्थापन गरी अन्तिम संस्कार गर्नुपर्ने भएको छ ।
स्वास्थ्य तथा जनसंख्या मन्त्रालयले शव व्यवस्थापन सम्बन्धि कार्यविधि संशोधन गर्दै होम आइसोलेसनमा मृत्यु भएमा परिवारले नै शवको व्यवस्थापन गर्नुपर्ने मापदण्ड बनाएको हो ।
कार्यविधिमा भनिएको छ, ‘कुनै व्यक्तिको घर वा आइसोलेसनमा मृत्यु भएमा आफन्तले स्थानीय प्रतिनिधि वा प्रहरीलाई खबर गर्नुपर्दछ । परिवारका सदस्यहरूले र अन्तिम संस्कारमा संलग्न हुने व्यक्तिहरूले सजगता अपनाई अन्त्येष्टि गर्नुपर्दछ । यस्तो कार्यमा बच्चा र ६० वर्ष माथिका ज्येष्ठ नागरिकलगायत जोखिम समूहमा पर्ने व्यक्तिलाई समावेश गराइनु हुँदैन ।’
सुरक्षाका सामग्री पन्जा, मास्क, पूरा बाहुला भएको गाउन लगाउन कार्यविधिमा भनिएको छ ।
यसअघि कोरोना संक्रमितको मृत्यु भएमा सरकारले नै शवको व्यवस्थापन गर्दै आएको थियो ।
Categorized in राष्ट्रिय
